تفصیلات
شریعہ اینڈ بزنس
مشاہدات: 1173

القرآن
عذاب سے بچنے والے

قومِ لوط پر ہم نے پتھروں کا مینہ برسایا، سوائے لوط علیہ السلام کے گھر والوں کے جنہیں ہم نے سحری کے وقت بچا لیا تھا، یہ ہماری طرف سے ایک نعمت تھی۔ جو لوگ شکر گزار ہوتے ہیں، ان کو ہم ایسا ہی صلہ دیتے ہیں۔ (القمر: 35،34)

 

 

  الحدیث
ذخیرہ اندوزی ، کتنی خطر ناک؟

  رسول اللہ صلی اللہ علیہ وسلم نے فرمایا: جو شخص غلہ وغیرہ روک کر رکھے تاکہ وہ جب مہنگا ہوجائے، تب مسلمانوں کو فروخت کرے تو وہ گنہگار ہے، اللہ اور اس کا رسول اس سے بَری ہے۔ (کنزالعمال: 97/4)

تفصیلات
شریعہ اینڈ بزنس
مشاہدات: 1341

القرآن
بدلہ بقدرِ محنت

اور یہ کہ انسان کو خود اپنی کوشش کے سوا کسی اور چیز کا (بدلہ لینے کا) حق نہیں پہنچتا، اور یہ کہ اُس کی کوشش عنقریب دیکھی جائے گی، پھر اُس کا بدلہ اُسے پورا پورا دیا جائے گا۔ (سورہ النجم: 41،40،39)

 

 

  الحدیث
صبح بابرکت

  حضرت عائشہ رضی اللہ عنہا سے مروی ہے آنحضرت صلی اللہ علیہ وسلم نے فرمایا: رزق کے حاصل کرنے میں دن کا شروع وقت اختیار کرو کہ دن کے شروع وقت میں برکت ہے اور کامیابی ہے۔(مجمع الزوائد: 64/4)

تفصیلات
شریعہ اینڈ بزنس
مشاہدات: 1341

القرآن
پھر دیکھ لو میرا عذاب!

قومِ عاد نے بھی جھٹلایا، پھر دیکھ لو کہ میرا عذاب اور تنبیہات کیسی تھیں؟ ہم نے ایک مسلسل نحوست کے دن میں ان پر تیز آندھی والی ہوا چھوڑ دی تھی، جو لوگوں کو اس طرح اُکھاڑ پھینک دیتی تھی جیسے وہ کھجور کے ُاکھڑے ہوئے درخت کے تنے ہوں۔ (القمر)

 

 

  الحدیث
جھکتا وزن کرو!

  حضرت سوید بن قیس رضی اللہ عنہ سے مروی ہے کہ رسول اللہ صلی اللہ علیہ وسلم نے وزن کرنے والے سے فرمایا کہ وزن کرو تو ذرا جھکتا وزن کرو۔ (کنزالعمال: 29)

تفصیلات
شریعہ اینڈ بزنس
مشاہدات: 1342

القرآن
جنت فیملی

اور جو لوگ ایمان لائے ہیں، اور ان کی اولاد نے بھی ایمان میں ان کی پیروی کی ہے، تو ان کی اولاد کو ہم انہی کے ساتھ شامل کردیں گے، اور ان کے عمل میں سے کسی چیز کی کمی نہیں کریں گے۔ (سورہ طور: 21)

 

 

  الحدیث
تلاش میں رہو

  رسول اللہ صلی اللہ علیہ وسلم نے فرمایا:کوئی آدمی اس وقت تک مر نہیں سکتا، جب تک اپنارزق نہ پورا کرے۔ اور رزق کو مؤخر نہ سمجھو۔ اللہ سے ڈرو، اے لوگو! تلاش رزق میں رہو۔حلال طریقے سے لو اور حرام کو چھوڑ دو۔ (حاکم، کنز:22/4)

تفصیلات
شریعہ اینڈ بزنس
مشاہدات: 1342

القرآن
رسول کی ناقدری

اور (نوح) کو ہم نے ایک تختوں اور میخوں والی کشتی پر سوار کر دیا، جو ہماری نگرانی میں رواں دواں تھی، تاکہ اُس (پیغمبر) کا بدلہ لیا جائے، جس کی ناقدری کی گئی تھی۔ اور ہم نے اس کو عبرت کی نشانی بنا دیا، تو ہے کوئی، جو نصیحت حاصل کرے۔ (القمر)

 

 

  الحدیث
زکوٰۃ سے مال کی حفاظت

  حضرت عمر فاروق رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: ’’زمین پر اور سمندر میں کسی کا مال برباد ہوتا ہے تو زکوٰۃ نہ دینے سے برباد ہوتا ہے۔‘‘ (ترغیب: 541/1)